• 2026-03-24

АШУҮИС-ийн НАСТЭ-ийн Нүүр амны эрүүл ахуйн тасаг ЭХЭМҮТ-ийн Эрүү нүүрний мэс заслын тасагтай хамтарсан ээлжит унтуулгатай нүүр амны эмчилгээг амжилттай хийлээ.

АШУҮИС-ийн НАСТЭ-ийн Нүүр амны эрүүл ахуйн тасаг ЭХЭМҮТ-ийн Эрүү нүүрний
мэс заслын тасагтай хамтарсан ээлжит унтуулгатай нүүр амны эмчилгээг
амжилттай хийлээ.
2026 оны 03 сарын 13-ны өдөр АШУҮИС-ийн Нүүр ам судлалын төв эмнэлгийн
Нүүр амны эрүүл ахуйн тасгийн эрхлэгч, Хүүхдийн нүүр амны тэргүүлэх зэргийн
эмч, АУ-ны доктор, дэд профессор Ж.Дэлгэрцэцэг болон түүний баг, ЭХЭМҮТ-ийн
эрүү нүүрний мэс заслын тасгийн хамт олны ээлжит хамтарсан үзлэг, эмчилгээг
хийлээ. Уг эмчилгээг ерөнхий унтуулгын дор 13 настай харааны болон
хөдөлгөөний бэрхшээлийн хавсарсан оноштой хүүхдийн 6 шүдэнд, 6 настай
аутизмын хүрээний эмгэгтэй хүүхдийн 12 шүдэнд эмчилгээ хийж амны хөндийг
бүрэн эрүүлжүүллээ. Эмчилгээнд хамрагдсан хүүхдүүдийн асран хамгаалагчдад
цаашид хяналтын үзлэгт хамрагдах тухай болон шүд угаалт, амны эрүүл ахуй
сахилтыг сайжруулж хамтарч ажиллахыг зөвлөлөө.